Ros Boisier

 

Temuco, Txile, 1985. Arte Garaikideko Ikerketan doktoregaia Euskal Herriko Unibertsitateko Arte Eder Fakultatean, Arte Produkzio eta Ikerketan masterra eta Ikus-entzunezko Komunikazioan lizentziaduna. Bere ikasketa ildo nagusia argazkigintza garaikidea eta argazki-liburuen bidezko garapen historiko eta artistikoa da. Erakusketen katalogoetarako, artisten liburuetarako eta kultur aldizkarietarako testuak idazten ditu.

Ros Boisier, Leo Simoesekin batera, Muga proiektuaren eta LUR plataformaren zuzendaria da. Muga argazkigintzari buruzko liburuetan espezializatutako argitalpen-zigilua da Gijonen egoitza duena. LUR aldiz irudiari eta ikusizko kulturan eta sorkuntza garaikidean dituen erabilerei buruzko pentsamendu, hausnarketa, analisi kritikoa eta diziplina arteko azterketa egiteko plataforma da.