Eginzaleak! topaketari ginga jarriko dion ekimena azoka izango da. Bertan parte hartuko duten eginzale guztiek bere proiektuen berri eman eta zabaltzeko espazio bat izango dute, baita haien arteko ezagutza eta harremana estutzeko ere.
Lehenengo aldiz, gainera, azoka Medialab barruan burutuko da, egun oso batez gure ohiko dinamiketan txertatuz, aberastuz. 10:00etatik 14:00etara eta 16:30etatik 19:30etara egongo da martxan.
Astean zehar egindako beste ekintza eta ariketen erakusleihoa izango da era berean, eta gonbidatutako eginzaleen postuez gain, txokoak, lantegiak, musika…izango ditugu aretoan zehar elkarbizitzen.
Aurtengo Eginzaleak! topaketaren ardatza birziklapena eta materialen zirkulartasuna izanik, azokak ere ildo bera jarraituko du nagusiki, norberak eta denon artean esparru horretan egin ditzakegun gauzak lantzeko aukeretako batzuk mahai gainean jarriz.
Eginzaleak! topaketari ginga jarriko dion ekimena azoka izango da. Bertan parte hartuko duten eginzale guztiek bere proiektuen berri eman eta zabaltzeko espazio bat izango dute, baita haien arteko ezagutza eta harremana estutzeko ere.
