Bere lan-prozesuan harreman zuzena dago gorputzarekin, giza eskalarekin eta bere morfologiarekin; hala ere, obren itxura formalak irudikapen antropomorfiko hutsetik ihes egiten du, eta gehiago lotzen da forma argi, geometriko eta zehatzak gauzatzearekin. Bere lanaren azken etapak bere nahiei erantzuten die, horiek harrapatzen saiatzen da, pentsatuz hori posible izango den eta, hala bada, harrapatzea benetan merezi duen. Zalantzan jartzen du ekintza hori nahiak menderatzeko den, edo nolabait horiei men egiteko.
Tabakaleran 2021eko egoiliar gisa egindako proiektu berri honetarako, fetitxeak, zeinuak eta sinboloak oinarri dituen obra multzo bat egin nahi du, amarratzearen potentzial formalari, funtzionalari eta metaforikoari heltzeko, zepoek egiturazko antolamendu-sistema gisa jarduteko duten modua behatuz.
