Red Army/PFLP: Declaration of World War, Masao Adachi eta Kôji Wakamatsu, Japonia, 1971, 71'

“Zer da propoaganda” galdetzen du Palestina Askatzeko Herri Fronteko militante batek filmaren hasieran. “Borroka armatua da propaganda modurik onena”, erantzuten du segundo batzuk geroago. Gogoeta horrek bide ematen die izenburuak agintzen duena besterik ez den lan baten ideia iraultzaileei: inperialismoaren aurkako mundu-gerraren deklarazioa.

1970ean egindako hainbat hegazkinen bahiketak bi talde armaturen kausak batzeko abiapuntu gisa funtzionatzen du: Palestina Askatzeko Herri Frontea (PFLP) eta Japoniako Armada Gorria (RJA). Albistegi baten formatuarekin, filmak erakusten digu bi erakundeek aintzat hartzen dituzten irtenbide bakarrak munduko indar iraultzaileen arteko arma-deia eta anaitasuna direla. Gerrilla egunkari honetan Masao Adachiren paisaiaren teoria (AKA: serial Killer) iragazten da. Honek, zuzendu ondoren, zinema utzi eta Armada Gorrian sartu zen 28 urtez.

Metraileta bat eskuan eta Internazionala bestean, heroismotik urrun dagoen borondate batekin eta ikuspegi itxaropentsu batekin, gure maparen lehen puntua Palestinan kokatzen da. Horrela hasten dugu gure kartografia ariketa, planetaren inguruko matxinada armatuak zeharkatuko dituena borroka hauen idealekin orainetik hitz egiteko.

Pelikula hau, A(R)MAR LA CÁMARA. Cartografía de un cine comprometido zikloaren parte dena, Elias Querejeta Zine Eskola ikasleek programatu dute.