Keinu magikoa eta orainaldiaren krisia -BERTAN BEHERA-

Emma Kunzen ondare grafiko harrigarriak pentsarazten digu zer baldintza historikotan egin ziren sendatzeko formula magikoak. Ikuspegi garaikidetik begiratuta, eta abstrakzioaren fenomenoari dagokionez artearen historiografia nabarmen erredukzionistari amaiera emateko duen baliotik harago, zaila bihurtu da bereiztea, batetik, determinismo naturalean esku hartzeko gai diren teknika misteriotsu horiekiko interesa eta, bestetik, mitologiaren eta paganismoaren ikuspegi berritu batean izateko arrazoia bilatzen duten kultur mugimendu eta erakundeen sorrera gero eta joriagoa. Agian, azken hamarkadetan ordena sinbolikoan gertatu den zirkuitulaburragatik bilakatu da, gaur egun, inoiz baino urgenteago antzinatik gizateriari lagundu dion operadore hain boteretsuari, hau da, pentsamendu magikoari,  kontzeptualki berriro ere aurre egitea. Izan ere, garapen teknologikoak mundua desakralizatu zuela ziurtatzen zuen baieztapen hartatik urrun, egiaztatu dugu –gero eta argiago– berriro sorgintzen duela behin betiko.