Hilabete bukaerako larunbatetan, pertsona talde bat Medialabeko egongelan elkartzen gara bizimodu garaikideekin lotutako gai ezberdinen inguruan eztabaidatu eta gogoeta egiteko. Orain arte landu ditugunen artean pandemia, antropozenoa eta krisi ekologikoa, bizitzaren eta harremanen teknologizazioa, maitasun harremanak, egiaostea…
Gehienetan liburuetatik abiatuta hausnartzen hastea gustatzen zaigu, baina pentsamendu kritikorako beharrezkoak diren beste diziplina batzuk ere baliatzen ditugu noski. Gurea, liburu artean gertatzen den pentsatze bat da, pelikula zatien, abestien, artelanen artean. Guzti horrek, inguratzen gaituen mundua ikuspegi zorrotz batetik begiratzeko gaitasuna daukan espazio bat eraikitzeko aukera ematen digu.
Hilabeteroko azken larunbateko goiza ematen dugu Arantza Santesteban Perez-ekin pentsartean, Medialaben.
Hurrengo saioa:
Martxoak 29
Aurreko saioak:
Azaroak 30 – Familiaren abolizioa II
Irudi bat, testu bat, poema bat, koadro bat... María Rosón Villena artearen historialari eta pentsalari feministarekin batera, material horiek gorputz konplexu gisa barreiatu genituen. Familia gaur egun zer den pentsatzen jarraitu genuen, nola bizi gaitezke elkarrekin, bizitza espazio elastikoa, leku arazotsua, idealizazioetatik urrun, baina, aldi berean, desioz eta konpromisoz.
Urriak 26 – Familiaren abolizioa I
Gero eta ohikoagoa da familia-egitura tradizionaletatik eta horien araubidetik kanpo bizimodu berriak bilatzen dituzten pertsonak aurkitzea.
"Abolizio" terminoak, edozein eremutan izanda ere, irmotasuna eta, sarritan, eskandalua gogorarazten baditu ere, familia-egitura nuklearraren alternatibei buruzko eztabaidara bideratu genituen azkeneko saioak. Termino apurtzaile horretaz baliatu ginen familia etsitzeko eta jabetza-harremanetatik ihes egiten duten eta zainketen komunizazioaren alde egiten duten beste bide posible batzuk irudikatzeko.
Irailak 28 – Familia hedatua
Familiaren jatorria, lekua eta kontzeptua problematizatu genuen.
Familia, aterpe une batzuetan, babesgabezia beste batzuetan: azken urteotan queer ikasketei eta estudio feministei esker familia formak birpentsatzen ari dira. Logika patriarkal eta produktibistetatik ihes egiten duten loturak sortzeko beste modu batzuetan pentsa dezakegu? Gai horiei buruz hitz egin genuen iraileko, urriko eta azaroko saioetan.
Pentsamendu kritikoari eta mundu garaikideari buruzko gogoetari eskainitako tartea.
idReservaPadre: 2A320780-1251-46D6-A92F-E097916C0B49
Reserva: Pentsartean
FechaInicio: 2024-11-30
FechaFin: 2024-11-30
FechaAlta: 2024-10-07
Seccion: MEDIALAB - LIB
Proyecto: AKTIBITATE PROGRAMA
Canal: Topaketa eta Jardunaldiak
Idioma: EU + ES
Edad: +16
Entrada: Izen-ematea
EntradaES: Inscripción
FECHAS:
idReserva: 9636AA6A-1C79-4E8C-B747-41BBAC2C3944
Fecha: 2024-11-30
HoraInicio: 11:30
HoraFin: 13:30
Plazas: 20
idAmbito: BE6EF890-64C0-EA11-9203-005056883062
TituloEvento: Entrepensando
TituloEventoEU: Pentsartean
Sala: MEDIALAB - LIB
SalaES: Medialab
SalaEU: Medialab
Ocupacion: Topaketa
OcupacionES: Encuentro
OcupacionEU: Topaketa