DANTZAN BILAKA 2022 - 1. Tailerra

Dantzan Bilaka laguntza eta sorkuntza koreografikoko programa da. Eusko Jaurlaritzako Kultura Sailak bultzatua eta ADDE Euskal Herriko Dantza Profesionalen Elkarteak koordinatua.

Lengoaien eta ideien aniztasuna bultzatuz, esperientziak eta koreografia sorkuntza prozesuak partekatu ahal daitezkeen eta elkarrizketarako irekia izango den lan eremu bat eskaini nahi da. 

Programaren aldi berri honetan, parte hartzaileen inplikazioa funtsezkoa da, topaketetan eta partaidetzan oinarritzen baita bere egitura osoa. Programa jarraitua da, datozen hamar hilabeteetan hedatuko dena, eta programako azken jardunaldietan koreografia-prozesuak aurkezteko esparru eta topaketa- testuinguru zabala eskaintzeko diseinatu da. 

Gipuzkoako lurralde historikoan egingo den edizio honetan Tabakalera, Kultura Garaikidearen Nazioarteko Zentroa izango da programa hartuko duen gunea, prozesuak erakusteko espazio gisa, eta lantegien eta egonaldien lehen aldi bat ere egingo da bertan. 

Dantzagunea eta Lekuona Fabrika espazio kolaboratzaile eta konplizeak izango dira, eta 2022ko programaren azken fasean Errenteriako egoitza-aldia hartuko dute. 

Gainera, Azala Sorkuntza Espazioarekin beste urtebetez luzatuko dugu lankidetza, Dantzan Bilaka programa osatzen duten egoitzen bigarren aldia artikulatzeko funtsezko ardatzetako bat baita. Izan ere, koprodukziokoak eta ezaugarri logistikoak, ekosistema egokia sortzen dute prozesu artistikoen une hau garatzeko.

Edizio honetako batzorde artistikoa honako hauek osatzen dute: Ibon Salvador (koreografoa) eta Maia Villot (artista), eta ADDEren bulego-taldeakin batera osatuko dute laguntza eta koordinazio taldea. Otsailaren 21etik 26ra Tabakalerako hainbat espazioetan burutuko dira tailerra, egonaldiak eta tutoretzak.

TAILERRA IZEN-EMATEAK

DATAK ETA ORDUTEGIAK:
Otsailak 22 eta 23 9:30tatik-14:30tara
Otsailak 24 9:30tatik-14:30tara eta 16:00etatik 18:30tara
NORI ZUZENDUA: Sorkuntza, ekintza, mugimendu, koreografia-prozesuetan aldez aurretik esperientziaren bat eta/edo jakin-mina duten pertsonak.
LEKU MUGATUAK: DB programan parte hartzen duten pertsonez gain, 3 plaza irekitzen dira.
IZEN-EMATEAK: Idatzi e-maila helbide honetara: info@addedantza.org
PREZIOA: 50€

Une bat...play, work and sport. Ion Munduate

Une bat...Play, work and sport, hiru modu subjektibo dira, beti erabili izan ditudanak gorputz baten mugimendua hautemateko unean. Mugimendu asko, xumeak izan arren, ez dira deskribapenak harrapatuta geratzen. Mugimendu bakoitza kontra-mugimendu batean oinarritzen da, edo mugimendua berreskuratzean “konpentsazio” edo “arnasketa” bat gertatzen da, eta horrek sortzen du bere bolumena.
Tailerrak bi helburu nagusietara hurbildu nahi du:
Lehenik, parte-hartzaileen arteko topaketa fisiko bat sortzea, ariketa fisikoak eta espazio-ariketak eginaz bestearen pertzepzioan eta mugimendu beraren parte izatearen kontzientzian. Gauza bera da bestea eramatea eta norbera eramana izatea. Mugimenduaren motorra izatea edo periferikoa izatea. Tailerraren bigarren zatian, egunero, konposizio-ariketa praktiko bat proposatzen saiatuko naiz, eta, horretarako, sarrera bat egingo dut, hitz eginez, testu bat irakurriz edo bideo bat ikusiz. Ideiak, pertsonak, objektuak, ekintzak eta horiek gertatzen diren espazioaren antolaketa erlazionatzeko estrategiak praktikoki landuz.

Invitados/as / Participantes

Ion Munduate
Ane Zelaia NADA SE ROMPERÁ ASÍ
Amaia Cabero LURRA JO HONDARRA UKITU 
Atic Heredia LA FRAGILIDAD DE MI POLLA
Diego Pazó LA MEDIDA QUE NOS HA DE DIVIDIR
Iratxe Bilbao MIENTRAS TANTO
Leire Amonarriz HizkidantzA
Victor Fernandez INVESTIGACIÓN SOBRE FLAMENCO Y CONTRABAJO