Películas de carretera. El tráfico u otras formas de organizar la vida, Claudia Sánchez eta Milagros Valerio Asortziren zuzeneko musikarekin, Espainia, 2022, 20´

Películas de carretera. El tráfico u otras formas de organizar la vida

Claudia Sánchez eta Milagros Valerio Asortziren zuzeneko musikarekin, Espainia, 2022, 20´ 

Kotxez gainezka dagoen hiri baten erdian, badirudi haiekin batera mugitzen direla nortasunak. Gure nortasunak eta bizitzak joan-etorrian ezartzen badira, horrek etengabe aldatzen ari den gizarte bat osatzen du. Madril-Donostia. Donostia-Madril. Mugikorrean oroitzapen lasaigarri baten bila ari naizela, kotxetik, autobusetik, trenetik ikusten diren ilunabarrak aurkitu ditut. Errepideak etxe mutante bat dirudi, non gure nortasunek atseden hartzen duten. Lehiakortasunaren dinamikaren pean bizi den gizarte baten erdian, milaka gaztek migratzen dute, bere lekua aurkitzeko helburuz edo, beharbada, haien buruekin aurkitzeko nahiarekin.

Kotxez gainezka dagoen hiri baten erdian, badirudi haiekin batera mugitzen direla nortasunak. Motorrez eta semaforoz betetako hiriko kaosaren barruan, etxeak babesleku bakarra dirudi.

Claudia Sánchez

(Madril, 1999). Ikus-entzunezko Komunikazioan lizentziaduna Madrilgo Carlos III.a Unibertsitatean eta, gaur egun, zinema-komisariotzako masterra ikasten ari da Donostiako Elias Querejeta Zinema Eskolan (EQZE). Produkzioko bekaduna izan zen Isla Audiovisualen (Madril), eta bideo-entseguak argitaratu ditu Tecmerin uc3m unibertsitateko ikerkuntza-taldearen aldizkarian. Bere prestakuntzari esker, begirada ez horren konbentzionaletarantz biratzen ditu bere interesak, ni-aren diskurtsoetan eta dokumentaletan espezializatuz.

Milagros Valerio

Lima, 1998. Donostian bizi da gaur egun. Ikus-entzunezko Komunikazioan graduatua da Madrilgo Carlos III.a Unibertsitatean. Espainiako Filmotekaren Kontserbazio eta Zaharberritze Zentroan (Madril) egin ditu praktikak. Irailean, Ikus-entzunezkoen Artxiboa eta Ondarea masterra hasi zuen Elia Querejeta Zinema Eskolan (EQZE). Film-entseguak argitaratu ditu Mexikoko “Correspondencias: cine y pensamiento” aldizkarian eta Tecmerin ikerkuntza-taldearen aldizkarian. Azkeneko hiru urteetan, zinema dokumentalean eta bere interes disidente berak dituzten lagunekin proiektuak egitean interesatu da.

Asortzi

Asortzi taldea 2022ko urtarrilean sortu zen. Pablok (Mugan) eta Andrea eta Josemarik (Ramona’s First Evil Boyfriend) osatzen dute. Talde hau modu iheskorrean sortzen da taldekideak esperimentatzeko askatasun kreatiboa izan dezaten eta musika-tresna, soinu eta giro desberdinekin jolasteko.