Blind Spot (Die Reise nach Lyon), Claudia von Alemann, Alemania, 1981, 112'

Elisabeth, historialari gaztea, Lyonera doa. Bertan, aritu zen ekintzailetzan Flora Tristan sozialista eta feministak XIX. mendean. Haren urratsak jarraituz, Elisabeth alde zaharrean zehar dabil, Florak sumatu bide zituen soinuak grabagailu txiki batekin berreraikitzen saiatzen. Horrela, istorioaren geruzak soinuetan, zaratetan, aurpegietan eta fatxadetan azaleratuz. Historiako irakasle bat atzera ikasketa akademikoaren bideetatik bideratzen saiatzen da, baina berak zurruntasun zientifiko guztiarekin apurtzeko erabakia hartu du eta, galdutako denboraren bila, Lyon hiriaren gaur egungo errealitatea eta bere errealitatea deskubritzen ditu.

Aurkezpena: Claudia von Alemann

Seebachen (Alemania) jaioa, artearen historia eta soziologia ikasi zuen Berlingo Unibertsitate Librean, eta zinema Ulmeko Diseinu Eskolan. 1968tik 1969ra Parisen bizi izan zen eta Zinemaren Estatu Orokorrei buruzko Das ist nur der Anfang - Der Kampf geht weiter dokumentala zuzendu zuen. 1973an, Helke Sanderrekin batera, Emakumeen Nazioarteko Zinemaren Lehen Konferentzia antolatu zuen Berlingo Kino Arsenalen. 1974tik 1980ra Parisen bizi izan zen berriro. 1982an Alemaniako Zine Kritikarien Elkartearen Saria irabazi zuen Die Reise nach Lyon filmagatik. 1982tik 2006ra, zinema irakaslea izan zen Dortmundeko FHn, eta irakasle gonbidatua Habanan, Cambridgen, New Yorken, Bostonen eta Montrealen. Da Frauenzimmer bere film luzea bideoarte eta museo bilduma ugaritan aurkitzen da, New Yorkeko MoMa tartean. Kolonian eta Habanan bizi da.