LabsBibliotecarios Liburuen Zuzendaritza Nagusia eta Irakurketaren Sustapena (Kultura eta Kirol Ministerioa) eta Medialab Pradoren (Madrilgo Udala) arteko proiektua da. Liburutegiaren ideia indartzea du helburu, proiektuak garatzeko herritarren topagune gisa.
Proiektuaren baitan, 2017az geroztik liburutegia batzeko eta herritarrek parte hartzeko lanean ari gara. 2020an, Laboratorios Ciudadanos Distribuidos: Innovación ciudadana en bibliotecas y otras instituciones culturales proiektua sortu genuen, laborategi bat antolatu nahi duten pertsonei eta erakundeei kalitatezko eta doako prestakuntza eskaintzeko eta abian jartzen laguntzeko. 2020ko iraila eta abendua bitartean, 3.000 pertsonak eman zuten izena prestakuntza-ikastaroan, eta 76 laborategi egin ziren mundu osoan zehar.
Harrera ona ikusita, beste urrats bat egitea erabaki genuen, eta https://labsbibliotecarios.es/ webgunea sortzea, proiektu honi esker abian jartzen diren laborategi guztiak dokumentatzeko balio duena eta foroaren bidez harremanak izan ditzakeen komunitate bat sortzeko aukera ematen duena.
Zergatik liburutegietan?
Liburutegi-laborategia herritarren laborategia da, liburutegi baten espazioan garatzen dena. Tipologia guztietako liburutegiek herritarren laborategi bat martxan jartzeko leku ezin hobea bihurtzen dituzten ezaugarriak dituzte:
- Adin eta gizarte-baldintza guztietako pertsonei ateak irekitzen dizkieten harrera-guneak dira.
- Espazio publikoak dira, logika komertzialetik kanpo kokatuak, informazio-trukea eta eztabaida sustatzen duten bildumak dituztenak; gainera, eskaintzen duten informazioaren egiazkotasuna bermatzen dute.
- Liburutegiko profesionalen prestakuntzaren ondorioz, leku ezin hobea dira proiektuak garatzeko prozesuak dokumentatzeko, bai eta prozesu horiek funtsetatik ateratako hautaketa bibliografikoekin laguntzeko ere.
Azken batean, herritarrentzat irekita dauden espazio publikoak dira, ezin hobeak herritarren laborategi bat antolatzeko bertako instalazioetan edo kokatuta dagoen auzo edo herrian.
Lan-taldea
Liburutegi Laborategien Lantalde Estrategikoa Liburutegi Lankidetzarako Kontseiluaren (CCB) parte da.
Helburu hauek ditu:
- Liburutegi Laborategiak proiektuaren alderdi kontzeptuala indartzea. Liburutegien komunitatearen hausnarketa kolektiboa proposatzen du, herritarrek liburutegietan duten parte-hartzearen inguruan, lanbiderako elementu inspiratzaile gisa balioko duena.
- Lan-jardunaldietan landu beharreko gaiei, liburutegietan prototipoak egiteko tailerraren orientazioari eta ikastaroaren edukiei buruzko aholkularitza eskaintzea proiektuari.
- Proiektua 2030 Agendarekin eta Garapen Iraunkorreko Helburuekin lerrokatzea.
Honako hauek osatzen dute taldea:
- Arantza Mariskal, Medialab Tabakalerako arduraduna
- Alicia Sellés, FESABIDeko presidentea
- Oskar Hernández, SEDICeko lehendakariordea eta Bartzelonako Unibertsitate Autonomoko (UAB) Hemeroteka Orokorreko kudeatzailea
- Francesco Filippi, proiektuen arloko zuzendaria eta kalitate-arduraduna – MUSOL Fundazioa
- Núria Pons Capella, directora de la Biblioteca Pública d’Alaior (Alaior, Menorca)
Koordinatzailea: Diego Gracia, Liburutegiak Koordinatzeko Zuzendariordetza Nagusia.
Kontsultatu hemen Laborategi Liburutegiei buruzko informazio guztia.
