Max Jorge Hinderer Cruzekin lantegia

Lantegi hau Bizigarriak: zirkulazioa eta euforia proiektuan jorratuko diren ikerketa ildoei begirada zabal bat eskaintzeko asmoz proposatzen dugu. Bizigarrien zirkulazioaz jardungo gara, hainbat esparrutatik begiratuta, hala nola, ekonomia koloniala eta garaikidea; metabolismoa, teknologia eta biokimika, eta ingurugiroa; eta artea, pentsamendu filosofikoa eta historia globaletik jaso dugun sentsibilitate estetikoa.

Lantegia “Boterearen Mikrofisika” (Michel Foucault) alderdi material, ekonomiko eta politikotik ulertzearen garrantziaz jardungo da, horrela, kapitalismo garaikidearen botere mekanismo eta teknologiak ulertzera iritsi ahal izateko.