![](/sites/default/files/styles/breakpoint_376/public/2022-05/id9528-deialdia_komisariotza_programa.jpg?itok=dfuXjJd0)
Sortzaileen gunetik 2015ean abiarazi genuen komisariotza programa, komisario-praktikak eta orobat haiekin harremana duten zeharkako gaiak edo tangentzialak (kritika, ikerketa, ekoizpena edo bitartekaritza) aztertzera eta gogoeta egitera bideratutako lan ildoa. Komisario-praktikan profesional moduan jardun nahi duten tokiko, nazioko edo nazioarteko pertsonei dago zuzenduta programa hau .
Datozen bi urtetan komisariotzari lotutako ikerketa eta praktika mota desberdinak jorratuko ditugu, lau unetan banatutako lau moduluren bidez. Gaia zatikatu edo banatzeko asmorik gabe, komisariotza-praktika ulertzeko, lantzeko eta gauzatzeko modu desberdinak landu nahi ditugu modulu horietako bakoitzean. Horretarako, sektoreko profesionalak gonbidatuko ditugu, eta haiek beste bi profesional gehiago gonbidatu ahal izango dituzte, modulu bakoitzaren edukiak osatzeko.
Lau modulu
-
Proiektuen komisariotza, 2016ko ekainak 20-24. Catalina Lozanoren eskutik (Izena emateko epea: 2016ko maiatzaren 20tik ekainaren 1era bitarte)
-
Ikerketa-komisariotza, 2016ko azaroa. Katerina Gregosen eskutik
-
Kritika eta idazkuntza, 2017ko ekaina. Peio Aguirreren eskutik
-
Komisariotza eta hezkuntza, 2017ko azaroa. Nora Sternfelden eskutik
Koordinatzaile bakoitzak erabakiko du moduluaren osaera: aurkezpenak, tailerrak, hitzaldiak… Saio teoriko eta praktikoen bidez komisariotzari lotutako ikuspegi eta jardun-moldeak aztertuko dira. Profesionalek diseinatuko dituzte moduluak, eta bost egun iraungo dute, astelehenetik ostiralera, goiz eta arratsaldeko saioetan.
Komisario-praktikan profesional moduan jardun nahi duten pertsonei dago zuzenduta programa hau .
![](/sites/default/files/styles/breakpoint_376/public/2022-05/id9528-deialdia_komisariotza_programa.jpg?itok=dfuXjJd0)