Tabakalerari buruzko artxiboaren eraikuntza kolektiboa lantzen dugun bitartean, ekintza programa bat antolatu dugu, historia egiteko moduari eta memoriaren eraikuntzari buruz hausnartzeko helburuarekin. Bi saio hauetan artxiboa adierazpen politiko bezala ulertzeko aukerak landuko ditugu.
Apirilak 27: David Rodríguez
David Rodríguez (Tina Paterson) bitartekariak Tabacalera-Madrideko langile ohiekin 2011n garatutako hezkuntza-prozesua azalduko digu, Cigarreras. Métodos y tiempos pieza eszenikoaren aurkezpenarekin bukatu zena.
Apirilak 28: Laura Trafí-Prats / BERTAN BEHERA
Laura Trafi-Prats hezitzaile eta ikerlariak entzutearen pedagogia eta zaintzaren etika arte garaikidearekin lotuko ditu.
- Subjetibitatearen ekoizpena pentsatzeko beste espazio-denborak: komunaren boterea, materialtasun feministak eta entzutearen pedagogia.
Hardt eta Negrik (2009) jabetzaren logikatik haratago komunaren boterearen kontzeptua proposatzen dute, hartu eman, ekoizpen eta afektu estrukturak pentsatzeko. Hitzaldi honetan komunaren boterea hurbilpen feminista batetik ulertuko dugu, egunerokotasunean, gorputzean, lanean eta afektuetan oinarrituz (Ahmed, 2017). Produkzioaren historian eman diren aldaketei buruz, hau da, fabrikatik kultur gune izatera gauzatutako aldaketei buruz, eztabaidatuko dugu. Horrela komuna dena aktibatzen duten produkzio ereduak pentsatuko ditugu, fabrikan, bitartekaritza kulturalean eta erakusketan ematen diren logika altermodernoen bidez. Bukatzeko entzutearen pedagogia kontzeptuaz arituko gara (Rinaldi, 2004), bitartekaritzak dituen harremantzeko izaera soziala, materiala eta emozionala lantzeko. Entzutearen pedagogia eguneroko jardueraren erdigunean garatzen da, disonantzia onartzen duten arreta moldeak garatzen ditu, lanaren eta hezkuntzaren denbora kronologikoei eta teknikari desafio egiten die, eta estetika eta lengoaiaren materialtasunaz baliatzen da subjetibotasun alternatiboa sortuko duten moduen munduak sortzeko.
Historia egiteko moduari eta memoriaren eraikuntzari buruz hausnartzeko helburuarekin antolatutako bi saio hauetan artxiboa adierazpen politiko bezala ulertzeko aukerak landuko ditugu.