![](/sites/default/files/styles/breakpoint_376/public/2022-07/id13553-correspondencias_rita_azevedo_gomes.jpg?itok=QISlwoiA)
Correspondencias, Rita Azevedo Gomes, Portugal, 2016, 145', JBAES
Pelikula honetan gure bi pasio elkartzen dira. Alde batetik, korrespondentzia filmikoak: eskutiz eta postalak idatzi irudi eta soinuekin, Tabakalera-aurreko gure etapan programa oso bat eskaini genion gai honi, Sukaldean geundenean. Bestetik, Portugaleko zine garaikidea eta bere figura klabeetako bat: Rita Azevedo Gomes.
Joan den urtean gure Oh Portugal! zikloan programatu genuen bere aurreko pelikula, La venganza de una mujer (2012). Eta orain bere azken lanarekin gatoz, bi idazle portugaldarren arteko korrespondentzian oinarritua, Jorge de Sena erbesteratua eta Sophia de Mello Breyner Andersen idazle handia. Jorge de Senak Portugal utzi behar izan zuen arrazoi politikoengatik eta ez zen inoiz itzuli, lehenengo Brasil eta gero Estatu Batuetan erbesteratuz.
Bere gutun trukea Salazarren garaiko erabateko askatasuneko adibidea da eta literatura eta distantzia geografikoetaz haratago doan adiskidetasun baten sakontasuna azaltzen du. Baina zuzendari portugaldar honen kasuan ezin zuen beste era batean izan, bere zinea hainbat norabidetan ireki eta hedatzen da: kontua ez da bakarrik eskutitz horiek berreskuratzea baizik eta irudi, hitz, musika, argazki, zine familiar, pertsonaia hauen bizitzari buruzko oroimen eta komentarioak, zuzendariaren bizitza eta ikusle gisa bere oroimen eta esperientziak lotzen dituen korrespondentzia eta lotura sutil eta amaigabeak ikustaraztea. Emaitza, historia, politika, iragana eta etorkizuna askatasun osoz eta maisutasun zinematografikoz nahasten dituen pelikula-saiakera da.
Locarnoko Nazioarteko Zinemaldian (Suiza) estreinatua, 2016.
Rita Azevedo Gomes zuzendariaren 'Correspondências' filma Jorge de Sena eta Sophia de Mello Breyner Andresen idazleen arteko eskutitzetan oinarritzen da. Bere gutun trukea Salazarren garaiko erabateko askatasuneko adibidea da eta literatura eta distantzia geografikoetaz haratago doan adiskidetasun baten sakontasuna azaltzen du.
![](/sites/default/files/styles/breakpoint_376/public/2022-07/id13553-correspondencias_rita_azevedo_gomes.jpg?itok=QISlwoiA)