Certain Women, Kelly Reichardt, AEB, 107’, JBAES (apirilak 15), JBAEU (apirilak 22), DCP
Americana zinema-jaialdiaren katalogotik:
«Bezero batekin harreman zaila duen abokatu bat, bitarteko ilunekin dirua irabazi nahi duen emakume bat eta bere irakasleaz maitemintzen den zaldi-zaintzaile bat. Montanako estatu handiko hiru istorio labur. Ez dugu istorioen testuingurua ezagutzen. Zatikatuta aurkezten zaizkigu, hasiera edo amaierarik gabe, minimoak dira, ia anekdotikoak, desagertzear daude. Baina barru-barruraino iritsiko zaizkigu. Barru-barruraino iritsiko zaizkigu pertsonaia, hauskorrak, lauso bezain indartsuak. Filmaren erraietara heltzen dira, bai eta inposatuko zaigun berreraikuntzara ere. Barru-barruraino heltzen dira espazioetan, arometan, lurrean, bakardadean, bizitzetan, intimitate sekretu baten espioiak bagina bezala antzemateko baimena dugun bizitza horietan.
Kelly Reichardt Estatu Batuetako zuzendari independente ospetsuenetako bat da. Bere film ezagunen artean daude Meek’s Cutoff, Wendy and Lucy edo Old Joy. Certain Women lanean emakumezko aktore-talde bikain baten laguntza du. Nabarmentzekoak dira Laura Dern, Kristen Stewart eta Michelle Williams, bere zineman ohikoa den aktore bat. Filmak izendapen esanguratsu asko jaso ditu (esate baterako, Independent Spirit Awards sarietako zuzendari onenarena) eta urteko film onenak jasotzen dituzten zerrenda askotan ageri da (adibidez, Sight & Sound zerrendako laugarren postuan)».
Kelly Reichardt zuzendariaren 'Certain women' filmaren proiekzioa Americana Bartzelonako zinema iparamerikar independentearen jaialdiarekin elkarlanean.