Tailer honen helburua da artilea lantzeko teknika tradizionalak aztertzea, fase guztietan: kardatzea, irutea, feltroztatzea, ehuntzea... Gero, elektronika gehituko diogu eta artisau-eran ehunezko osagarri elektronikoak (wearables) sortuko ditugu.
Tailerrean, ehungaiak eta material eroaleak nahastuko ditugu, hariak eta osagaiak sortuko ditugu, energia sortuko dugu... eta modu sinplean zirkuitu elektronikoak/oihalezkoak eraikiko ditugu irunez, ehunduz eta feltroztatuz.
E-oihalak, generoa eta teknologia egokitua
Teknologia-bitartekaritza lantzen dugu ehungaien elektronikaren arloan; izan ere, uste dugu aukera bikaina dela tradizioz emakumeena izan den teknologia bat, hau da, artilearen lanketa, gizonek menderatutako teknologia batekin, elektronikarekin, kontaktuan jartzeko. Horrez gain, teknologia-berrikuntzak “teknologia egokituen” ikuspegitik jorratzen ditugu, hau da, jasangarriak diren eta mendekotasunik sortzen ez duten teknologien ikuspegitik, eta artile birjina nahiz birziklatua erabiltzeko aukera berriak sustatzen ditugu.
Power Textil "Textil en Abierto” proiektuaren barruko ekimen bat da; proiektu horren xedea da taldeko lan eta esperimentazio irekia sustatzea ehungaiak diseinatzeko eta ekoizteko orduan. Horregatik, taldean lan egiten dugu, bide berriak hartzeko aukera ematen diguten teknikak irakasten ditugu, bakoitzaren gaitasunak partekatu eta emaitzak plazaratu.
Tailer honen helburua da artilea lantzeko teknika tradizionalak aztertzea, fase guztietan: kardatzea, irutea, feltroztatzea, ehuntzea... Gero, elektronika gehituko diogu eta artisau-eran ehunezko osagarri elektronikoak (wearables) sortuko ditugu.