% 70 - 2deoko egoiliarrak

% 70, indarkeria matxista ikusgarri bihurtzeko eta hari buruzko gogoeta egiteko ariketa bat da. Errealitate birtualean murgiltzeko esperientzia baten bitartez, erabiltzailea tratu txarren agertoki baten barruan dago, bideo bolumetrikoaren bitartez, inoiz egin ez den moduan. Bideo bolumetriko hori da 2Deo-n egingo dugun proiektuaren zatia.

Bideo bolumetrikoa ekintzaren 3D irudiak sortzen dituen bideo-grabazioa da, VR-n eta AR-n erabili ahal izateko. Horrek esan nahi du grabatzen den guztiak hiru dimentsiotako modeloak edo irudiak sortzen dituela, VR lenteekin edo errealitate areagotuko aplikazioekin ikus daitezkeenak. Horrez gain, pantaila lau batean ere ikus daitezke.

Ekintzaren hainbat puntu ikus ditzakegu aldi berean, filmaren istorioan eta ekintzan gehiago murgilduz. Horri esker, istorioen gidoiak egiteko eta tratatzeko modu berri bat sortzen da.

Gosho

Gosho diziplina anitzeko diseinu-estudio bat da. Teknologia-maila handiko soluzioak eskaintzen ditu 3D infografian, eta honako hauek egiten dituzte, besteak beste: bideo korporatiboak eta industrialak, publizitateko spotak eta produktuen bideoak. Funtsean, ikus-entzunezkoak diren tresnak sortzen ditugu, eta erronka berriak eta istorioak kontatzeko modu berriak bilatzen ari dira beti.

Goshoren helburuetako bat berrikuntza da; horregatik, azken urteotan errealitate birtualeko, errealitate areagotuko eta produktuaren fotogrametriako tresnetan espezializatzen ari dira.

Beste enpresa batzuetarako lan egiteaz gain, haien film laburrak, bideoklipak eta fashion film direlakoak ere ekoizten dituzte.

Aipamenak:

2006 – Lgi2 - Euskal zuzendari onena- Irungo film laburren jaialdia.

2013 – Stomping Woman - Publikoaren saria– Musiclip 2013.

2018 – K, a fashion film about the story of Amarenak - Chelsea Fashion Film Festival eta Miami Fashion Film Festival jaialdietan aukeratua – kategoriak– kontzeptu sortzailea, arte- eta musika-zuzendaritza.