Bizi gaituen mundua irudi eta soinuen segida batekin kontatzen digute batez ere, eta ezinbestekoa zaigu guk ere mundua, baita geure mundua ere, ikus-entzunezko narrazio batekin kontatzea, geuretik, euskaraz, egunero egiten eta desegiten gaituen kultur sorkuntzan jarriz gure bizinahiaren epizentroa.
DAPA euskal kultura eta kultur sortzaileei ikusgarritasuna eta hedapena emango dien sarera bideratutako ikus-entzunezko saio-bilduma osatzeko asmo sendoa da. Edukia sormena da, baina bitarteko eta trataera ere sortzailea izango da. Ikus-entzunezko edukien forma estandarretatik harago joan, eta sarerako produktu berritzaile bat sortu nahi da.
Jalgi egitasmoak sustatuta, Kulturaz Azpeitiko Kultur Mahairen Kooperatibak ekoitzitako saio-bilduma da.