Zinema Ikasleen Nazioarteko XIV. Topaketak João Salavizaren, zinemagile portugesa, esperientziaz gozatzeko aukera eskainiko du masterclass honekin. Salavizak beren laburmetrai batzuk partekatuko ditu, hala nola, ARENA (2009), CERRO NEGRO (2011) eta RAFA (2012). Bestalde, bere laburretik luzemetrairako, Montanha (2015), trantsizioaz eztabaidatuko du. Hau, Veneziako Zinema Jaialditik pasa ondoren, Donostia Zinemaldiko Zabaltegi sailean aurkeztuko da.
João Salaviza (Lisboa, 1984) Lisboako Antzerki eta Zinemako Goi Eskolan (ESTC) egin zituen ikasketak, bai eta Buenos Airesko Zinema Unibertsitatean ere. Bere aurreneko film luzea, MONTANHA, Veneziako Zinema Jaialdiko Kritikarien Astean estreinatu zuten. Nazioartean sari ugari jaso dituen trilogia bat egin du: RAFA (2012), Urrezko Hartzaren irabazlea Berlinalen; CERRO NEGRO (2012), Rotterdamgo Zinema Jaialdirako hautatua; eta ARENA (2009), Film Labur Onenaren Urrezko Palmaren garailea Cannesko Zinema Jaialdian. Ehundik gora zinema-jaialditan hautatu dituzte zuzendariaren film laburrak: Cannes, Berlin, Tribeca, Rotterdam, Londres, Pusan, São Paulo, Sarajevo, Tampere, IndieLisboa, Vila do Conde... Beste hamabost sari ere jaso ditu; horien artean, Uppsalako Zinema Jaialdiko Ingmar Bergmanen Ohorezko Saria. 2012an, Parisko Pompidou zentroak haren filmetako lau aurkeztu zituen atzera-begirako batean.
João Salavizak ondoko film labur hauek ere zuzendu ditu: STROKKUR (Belfort, Gijón, FID Marseille, Rencontres Internationales Paris/Berlin/Madril 2011); CASA NA COMPORTA, 2010eko Veneziako Biurtekoan Portugalgo arkitektura nazionalaren erakusketarako hautatua; HOTEL MÜLLER, Pina Bausch-en obrari buruzkoa (2010), eta TWO CLOSE
(Karlovy Vary, Take One saria Vila do Condeko Zinema Jaialdian 2004).
Zinema Ikasleen Nazioarteko XIV. Topaketak João Salavizaren, zinemagile portugesa, esperientziaz gozatzeko aukera eskainiko du masterclass honekin. Salavizak beren laburmetrai batzuk partekatuko ditu, hala nola, ARENA (2009), CERRO NEGRO (2011) eta RAFA (2012). Bestalde, bere laburretik luzemetrairako, Montanha (2015), trantsizioaz eztabaidatuko du. Hau, Veneziako Zinema Jaialditik pasa ondoren, Donostia Zinemaldiko Zabaltegi sailean aurkeztuko da.