Teknologia hain azkar aurreratzen da egunero erabiltzen ditugun gailuak berehala merkatuan ezaugarri hobeagoak dituzten beste batzuekin ordezkatzen direla. Honi, merkatuak berak, azken teknologia eskuratzeko sortzen duen beharra gehitzen zaio. Tendentzia hauek egunero zabor teknologiko kopuru izugarria sortzen du. Honen inguruan kritikoki hausnartzea proposatzen dugu, betiere, Makerren ikuspegitik eta bere egiteako moduetan oinarrituz.
Zergatik kontsumitu teknologia berria birziklapena, konponketa eta berrerabilpena posible denean?
Agian, zaborra gure irudimen faltaren emaitza bat da.
Gogoeta hauetatik habiatuz, Tabakalerako 1. solairuko hall-ean burutuko dugun How To Make honetan aparailu teknologiko zaharren konponketan eta bererabilketan oinarritzen diren inguruko artisau berrien ekimen batzuk erakusteko eta haiekin ikasteko aukera izango dugu. Aparailu hauen biziraupena luzatzea eta erabilpen berriak sortzea bilatzen dituzten ekimenak gonbidatu dira, esaterako Reciclanet, ekipo informatikoak berrezkuratzen eta konpontzen diharduen elkartea, baita software librearen erabilera bultzatzen duen gizarte erakundea. Aldi berean, Jonathan Garcia gonbidatu dugu, Tunipanea proiektuari buruz hitz egiteko, kalean aurkitzen dituen objetu bitxien eta konponente elektronikoen berrerabilpenetik sortutako soinu-tramankuluak erakusteko. How To Make hilean behin ospatzen den topaketa bat da, maker kultura ezagutu, ikasi eta partekatzeko interesa duen pertsona orori zuzentzen delarik.
Saio honetan garatuko den gaia birziklapen teknologikoa izango da.