L'âge atomique (Aro Atomikoa), Héléna Klotz, Frantzia, 2011, 67', JBAES, DCP.
Pariseko gauaren amaierara garamatzan bidaia da Aro atomikoa: musika elektronikoa entzuten da eta bi lagun noraezean dabiltza leku batetik bestera, diskoteka batetik bestera, desira batetik bestera. Eiffel dorrea itsasoaren erdian dagoen faro bat bezelakoa da. Marinelei buruzko pelikula bat izan liteke hau, bai. Marinel oso gazteei buruzkoa.
Aro atomikoa filmak gazte imajinarioari eskaini diogun zine ziklo honen izenburua aukeratzeko inspiratu gintuen. Gainera, itsas erkaketa jarraituz, Nicolas Klotz eta Elisabeth Percevalen atzerabegirakoaren kaietako bat da, zuzendaria, Héléna Klotz, zinemagileen alaba zinemagilea baita.
2012ko Fipresci Kritikaren saria Berlingo zinemaldian (Panorama)
Pariseko gauaren amaierara garamatzan bidaia da Aro atomikoa: musika elektronikoa entzuten da eta bi lagun noraezean dabiltza leku batetik bestera, diskoteka batetik bestera, desira batetik bestera.