![](/sites/default/files/styles/breakpoint_376/public/2023-03/id12098-por_un_cine_imposible_una_isla_para_miguel.jpg?itok=cywSZTTn)
Ezinezko zinema baten alde, dokumentala eta abangoardia Kuban (1959-1972) - 3. Saioa: Hirugarren Mundua (112')
Sara Gómez zuzendariak Isla de Pinos uharteari eskainitako trilogiaren bigarren alea dugu Una isla para Miguel; berreziketa eremu batera bidalitako familia gurasobakar baten gazte bati buruzko azterketa errukibera da. Filmaren zintzotasunak alde batera uzten ditu esparru ideologikoak, gizarte bazterketarako hurbiltze konplexua erakusten duela. Tercer mundo, Tercera Guerra Mundial filmak Julio García Espinosa zuzendariaren iritziaren adibidea da, harentzat «ezinezkoa da errealitate bat eztabaidan jartzea, lehenik hura erakusteko aukeratzen duzun generoa eztabaidatu gabe». Filma hain da didaktikoa nola bere buruaz kontzientea, eta hainbat baliabide, teknika eta estilo dokumentalez osaturik dago . Ipar Vietnamen filmatua, dokumental politiko bat bezala hasten da eta gero, arian-arian, alde batera uzten ditu generoaren konbentzioak: narrazio historikoaren ondoren, jende arruntaren lekukotasun isilek bide ematen diote hondamendian zeharreko bidaia-ibilbide bati. Vietnamdarren beren esku hartzearekin eta filmatze zuzenarekin, zine ez-perfektuaren benetako paradigma.
Sara Gómez eta Julio García Espinosa zuzendarien filmeen proiekzioa, 'Ezinezko zinema baten alde, dokumentala eta abangoardia Kuban (1959-1972)' zikloaren baitan.
![](/sites/default/files/styles/breakpoint_376/public/2023-03/id12098-por_un_cine_imposible_una_isla_para_miguel.jpg?itok=cywSZTTn)