Ezinezko zinema baten alde, dokumentala eta abangoardia Kuban (1959-1972) - 6. Saioa: Kulturalak (113')
Por primera vez zinearekiko maitasun adierazpena da. Zine mugikor baten lana erakusten du; 30. urteetako espainiar Misiones Pedagógicas haien eraginpean, zine mugikorrak filmak eramaten ditu urruneko herrixka batera lehenengo aldiz. Nuestra olimpiada en La Habana filmeko Olimpiada nazioarteko xake lehiaketa bat da, non José Massipek Fidel Castro beste jokalari bat gehiago bezala aurkezten duen, pertsonaia ezaguna eta bitxia aldi berean. ICAICek gero eta dokumental gehiago eskainiko dio kubatartasunaren, hots, uhartearen identitate mestizoaren azterketari.
Acerca de un personaje que unos llaman San Lázaro y otros llaman Babalú zine-inkestaren kategorian sartzen da; ikerketa antropologiko honek Kubako erlijio sinisteen sinkretismoa sinbolizatzen duen santu baten jaia du aztergai. En la otra isla Sara Gómezen film gailenetako bat da. Isla de Pinoseko biztanleen banakako erretratuen multzo sakabanatua da, non beren historiak eta gogoetak kontatzen dituzten eta, aldi berean, garaiko zinegile askorentzat tabua zen arrazismoa bezalako gai batez ari diren. Hablando del punto cubano, Octavio Cortázarrena, Kubako dokumentalak musikara egindako biraketaren adibide zoragarria dugu.
Octavio Cortázar, José Massip eta Sara Gómez zuzendarien filmeen proiekzioa, 'Ezinezko zinema baten alde, dokumentala eta abangoardia Kuban (1959-1972)' zikloaren baitan.