![](/sites/default/files/styles/breakpoint_376/public/2023-03/id12370-por_un_cine_imposible_ajenos.jpg?itok=DvjfJs4A)
ABC katearentzat Richard Leacock eta Albert Maysles cinema veritéko aitzindariek filmatua Robert Drew-ren zuzendaritzapean, Yanki No! filmak aztertu egiten ditu Estatu Batuekiko latino-amerikarrek dituzten jarrerak, eta amaitzeko Latinoamerikarekin lankidetza areagotzeko deialdia egiten du. Film honek lehenengo aldiz ezagutarazi zuen Fidel Castro iparramerikar ikusleen artean, nahiz azkenean telebista agintzailearen asmoei men egin behar izan zioten.
La Bataille des Dix Millions Chris Marker-ek Kuban egindako bigarren filma izan zen, ¡Cuba Sí! lehenengoa egin eta bederatzi urtera burutua, nahiz lehenengo hartan Kubako Iraultzaren alde egindako goraipamen lirikoak Frantzian zentsuratua izatea ekarri zion. Zinegileak berak bertan behera utzi zuen filmaren zirkulazioa hartarako motiboak garbi azaldu gabe, nahiz bigarren film hau utzi zigun, ez hain adeitsua eta analitikoagoa. Fidelek 1970eko uztaldian hamar milioi tona azukre biltzeko egindako deialdi ausartaren porrota da filmaren ardatza. Dokumentala mailegaturiko irudi nahasketak osaturik dago, gehienak Santiago Álvarezengandik zetozenak. Bere egunean kontrapropagandarako baliabide eraginkorra izan zen eta, gaur egun, Iraultza gertatu eta hamar urte geroagoko Kubari buruzko lekukotasun nabarmena eskaintzen digu filmak, herrialdea Gerra Hotzaren haizeen eta korronteen aurka maniobratzen ahalegintzen zelarik.
Robert Drew Associates eta Chris Maker zuzendariaren filmeen proiekzioa, 'Ezinezko zinema baten alde, dokumentala eta abangoardia Kuban (1959-1972)' zikloaren baitan.
![](/sites/default/files/styles/breakpoint_376/public/2023-03/id12370-por_un_cine_imposible_ajenos.jpg?itok=DvjfJs4A)