Nader Koochakik hauxe proposatzen digu: Kilian Jorneten Correr o morir [Korrika egin ala hil] liburua irakurtzea, ahots gora, hasieratik amaierara, ahalik eta azkarren. Irakurraldi berezia da, ekintza baten gisakoa, entsaiatu gabe eta helmuga zehatzik gabe.
Performance kritiko honek erakusten digu nola kontsumitzen eta kontatzen ditugun mendiak eta natura gure garai honetan eta zirkuitu itxi bat azaleratu nahi du, Kilianen obrarekiko immanentea. Lan autobiografikoa dugu liburu hori eta mugitu ahala pentsatzeko bide bat garatzen du. Peripatosetik urrun, badirudi korrika egin bitartean baizik ezin dela irakurri liburu hau.
Liburua, mendi; irakurketa, lasterketa; ekintza honen bidez, liburuan proposatzen den paisaia zeharkatzeko modu bera ezartzen zaio irakurketari ere. Kiss or kill. Tautologia performatibo bat, liburua korrika irakurtzea.
2011n argitaratu zen Correr o morir. Honezkero, 20 edizio argitaratu dira jatorrizko bertsioan eta hainbat hizkuntzara itzuli da, hala nola gaztelaniara, ingelesera, frantsesera, eslovakierara, eslovenierara, polonierara, italierara eta portugesera.
Kilian Jornet-en 'Korrika egin edo hil' liburua irakurtzea proposatzen du Nader Koochaki-k, ahots ozenez eta ahalik eta lasterren, hasieratik amaiera arte. Irakurketa bakarra da, ekintza modukoa, probasaiorik edo helbururik gabea.