Familiartean gozatzeko bederatzi film laburren animaziozko laburmetrairen proiekzioa: Kyle Mowaten Ballpit, Tyler Nicolsonen Nic Nac eta No Noodles, Arjan Boeveren The squirrel and the swallow, Hui-Ching Tseng eta Yen-Chang Cheng-en Paper touch, Chaïtane Conversaen La petite pousse, Siri Melchior-en The dog who was a cat inside eta Whistleless, eta Robert Löbelen Wind.
Proiekzioa bukatzean, nahi duenak Hezkuntza arloak antolatu duen familientzako lantegian parte har dezake, zinearekin zerikusia duten gaiak eta teknikak elkarrekin lantzeko xedearekin. Lantegian parte hartu nahi izanez gero, sarrera erosterako orduan adierazi beharko da (Gehienez 30 pertsona).
Hilean behin, publiko guztientzako ikus-entzunezko programazioa (animazioa, zine esperimentala, laburmetraiak…) aurkeztuko da, eta proiekzioaren ostean, lantegi eta dinamika ezberdinak planteatuko dira zinemarekin lotutako gaiak eta teknikak elkarrekin lantzeko.