Komikiaren mundua artearen, hizkuntzaren eta sormenaren aldetik begiratzeko aukera ematen duen topaketak da Komikilabea. Gipuzkoako Foru Aldundiak, hiriko beste hainbat eragileen laguntzarekin, sustatutako ekimenak bigarren edizioa ospatuko du aurten. Tabakalerako ikus-entzunezko taldeko kideok ere komikiaren festarekin bat egin nahi izan dugu eta bi izenburu proposatu ditugu: alde batetik, lehengo urteko animazio lanen artean garrantzitsuenetarikoa izan zena: Ethel&Ernest, Roger Mainwoodena. Londreseko Zinema Jaialdiko sail ofizialean estreinatu zen, eta Raymond Briggs-ek sortutako nobela grafikoan dago oinarrituta, komikigintza ingelesean funtsezkoa den egilea da Briggs. Saioa osatzeko, Roger Mainwood marrazkigilearen lehen lana ere ekarriko dugu; bideoklipen historian giltzarria den lana, belaunaldi oso bat markatu zuena.
Tabakalerako ikus-entzunezko taldeko kideok ere komikiaren festarekin bat egin nahi izan dugu.