Film laburren saio honen aurkezpena oso soila da: “hemen hasi zen guztia” erabil genezake izenburu gisa. Handik urte batzuetara Argentinako zinemaren erreferentzia bihurtutako zuzendarien lehenbiziko lan laburrak dira. Nahikoa da haien izenak irakurtzea, ondoren nazioarteko jaialdien zirkuituan eginiko ibilbidea ezagutzea eta geure buruari galdetzea: nola, noiz eta non hasi ziren hainbeste talentu biltzen duten ibilbide horiek guztiak? Hemen. Hemen hasi zen dena.
Saioaren iraupena: 110'
Negocios, Pablo Trapero, Argentina, 1995, 17’
Buenos Airesko behe-auzoetan kokatutako autoen ordezko piezen negozio batean Rulok eta Martínek aurre egiten diete eguneroko arazoei: dirua, arratoiak eta erromantzeak.
Derecho viejo, Mariano Llinás, Argentina, 1998, 12’
Auzoko mutiko batzuen etorkizuna, espiritu borgiar zalantzagabearekin narratua.
Hamaca paraguaya, Paz Encina, Paraguay, 2000, 9’
Bikote bat hamaka batean jesartzen da, euripean, beren semearen etorreraren zain. Sei urteren buruan, egoera hori berori bihurtu zen Paz Encinaren lehenbiziko film luzea (Hamaca paraguaya izan zuen izenburu).
Bajo figuras, Inés Braun, Argentina, 2000, 7’
Beren bizitza bizi duten hiru emakumeren istorioa: Carina, Carmen y Marina.
Cuando vuelvas vamos a ir a comer a Cantón, Andrés de Negri, Argentina, 2001, 2’
Maitasun-gutun labur baten testu xuxurlatua lau argazkiren gainetik mugitzen da.
El patio, Milagros Mumenthaler, Argentina, 2004, 16’
Bero-egun bat eta bi ahizpa nerabe, amaren deiaren zain.
Parece la pierna de una muñeca, Jazmín López, Argentina, 2006, 9’
Ikasleek edozer egiteko aukera duten igeriketa-eskola baten azken unearen sekuentzia-planoa.
Contracorriente, Agostina Guala, Argentina, 2008, 8’
Erreka da Feliperen gordelekua: inguruan duen indarkeriatik ihes egiteko herriko txoko bakarra..
Ahendu nde sapukai (Oigo tu grito), Pablo Lamar, Paraguai, 2008, 11’
Gizona, mendi-bizkarra, arrantxoa, prozesio bat...
Minimercado Champion, Florencia Percia, Argentina, 2010, 19’
Anak sari bat irabazten du Champions merkatu txikien promozio batean: bi eguneko bidaia bi pertsonarentzat. Baina Ana bakarrik dago, eta ematen du ez dela guztiz egokitzen irteera horretan.
Argentinako zinemaren erreferentzia bihurtutako zuzendarien lehenbiziko lan laburrak dira: Pablo Trapero, Mariano Llinás, Paz Encina...