Eskola aldiriak eskolako, auzoko edo hiriko espazioetan arte eta hezkuntza proiektu kolaboratibo bat garatzeko deialdia da. Laugarren edizioa gertu daukagu eta, elkartzeko une aproposa iruditu zaigu. Horrela, aurten garatutako proiektuak eta bizi izandako esperientziak partekatuko ditugu eta datorren ikasturteari begira ager daitezken aukera berriak ikusiko ditugu. Topaketa honetan ekoizpen artistikoen, hezkuntzaren eta proiektu kolaboratiboen inguruan arituko gara. Gure ideiak, zalantzak eta proposamenak azaltzeko gune egokia izango da.
-
Saioa Tabakaleran izango da, maiatzaren 9an, arratsaldeko 17:00etatik 18:30etara. Hezkuntza arloan interesa duen orori zuzendua dago.
Programa
17:00 → Eskola aldiriak deialdiaren aurkezpena. Tabakalerako hezkuntza lantaldea.
17:15 → Proiektuen aurkezpena Eskola aldiriak III: Harremangune, Txirrita herri eskola (Ereñotzu, Hernani) eta Gelditu, Lasaitu eta Bizi! Eskola bideak, Arizmendi Ikastola (Eskoriatza, Gipuzkoa)
17:45 → Solasaldia. Elkarrizketa eta hausnarketa kolektiboa.
18:20 → Itxiera.
-
Eskola aldiriak-en 4. deialdia maiatzaren 2tik ekainaren 1era izango da zabalik.
Ikusi Informazioa eta oinarriak.
Irakasleriari zuzendutako topaketa honetan ekoizpen artistikoen, hezkuntzaren eta proiektu kolaboratiboen inguruan arituko gara.