Kromak eskaintzen dizkigun aukerak infinituak dira: fondo berriak ezarri, lekuak moldatu, objektuak hegan eginarazi… Gure imajinazioak, guk sortutako ikus-entzunezkoekin esperimentatzeko aukera ematen digu.
Lantegi honetan, eta kroma erabiliz, marrazki eta bideoak nahastera gonbidatzen zaituztegu. Kolore berde horren lagun egingo gara gardentasunak sortzeko eta, horrela, beste ikus-baliabide batzuk txertatuko ditugu bideoan (marrazkia, margoak edo infografia besteak beste). Nahasketa honek beste aukera estetiko batzuekin esperimentatzeko eta unibertso ikaragarriak sortzeko aukera emango digu.
Fantasía, ¿Quién engañó a Roger Rabbit?, Cool World eta Space Jam bezalako pelikula ugari ezagutzen ditugu non animazio tradizionala kamarako irudiarekin nahasten diren. Guk estetika ezberdinen nahasketa bat egin ahal izango dugu, hauek dira ideia batzuk: arkatzaren lerroa gure aurpegiarekin endredatzea, oinez goazela inguratzen gaituen akuarelazko paisaiaz gozatzea, gure sorbaldan mila koloredun piramide digital bat ipintzea...
Esperimentatzera animatuko zara?
Kromak eskaintzen dizkigun aukerak infinituak dira: fondo berriak ezarri, lekuak moldatu, objektuak hegan eginarazi.