Dirudiena baino zailago izan ohi da guraso eta seme-alabek elkarrekin denen gustukoa den zerbait egitea. Denbora faltak, etxean ingurune egoki bat ez izateak edo eguneroko dinamikek, haurrekin sukaldean aritu, eskulanak egin edo kalitatezko denbora ateratzea zaildu egin ohi dute. Etxetik kanpo ere, sarri, eskaintzen diren jarduerak ez dira familia osoari zuzenduak egon ohi.
Hori dela eta familientzat ingurune libre bat sortzea da Do It in Family-ren helburua. Haur eta helduek elkarrekin proiektu bat garatzeko eta elkarrekin aritzeko espazio bat izango da.
Jada DIFen 6. edizioa egingo dugu, eta esperientzia honetatik abiatuta, heldu eta haurren arteko harremanen oreka topatzea izango da erronkarik handiena. Haurrak dira jarduera honen protagonista nagusiak, eta hori argi izanda esfortzua berezia egin behar izaten da hauek izan daitezen proiektuen norabidea hautatuko dutenak. Helduon zeregina haurren gaitasunetara egokituko diren proiektuak garatzen jakitea izan behar du, bidelagunak izatea, proiektuan lagundu, umiltasunez aritu eta seme-alaba ezagutzeko prozesuan disfrutatzea.
Haur eta helduek elkarrekin proiektu bat garatzeko eta elkarrekin aritzeko espazio bat.