Donostiako Musika Eskolako ikasleek Ubikeko Egongelako isiltasuna apurtuko dute igande goizetan: zuzeneko musika, emanaldi txikiak, musika instrumentuak... Etorri eta gozatu, errutina apurtu eta zure igande goiza goxatu. Eguna askoz hobeagoa izango da, ziur!
Azaroaren 17an, Klarinete ensemble GAZTEA
15 bat gaztek osatzen dute Donostiako Udalaren Musika eta Dantza Eskolako talde hau. Estilo ezberdinetako kantak eskainiko dituzte Ana Huarte irakaslearen gidaritzapean. Jaialdi eta kontzertu ziklo ugaritan parte hartu izan dute nahiz eta talde gaztea izan. W.A. Mozartek aurreneko aldiz klarinetea entzun zuenean liluratuta geratu omen zela esan da betidanik eta instrumentu honen soinuaren ezaugarriak ezagutzeko aukera paregabea izango du publikoak.
Abenduaren 15ean, Van der Goot Boskotea
Haize-egurrezko instrumentuak gehi piano batek osatzen dute talde hau. Estilo oso ezberdinak entzun ahal izango ditugu emanaldian zehar: vals, tangoa, Ragtime... ziur publikoaren gustukoa izango dela. Eskolako talde handietan (orkestra, banda...) elkar ezagutu ondoren, ganbera-talde hau osatzea erabaki zuten emanaldia eskainiko diguten musikariek. Ordutik, Joxi Etxeberria irakaslearekin dihardute lanean:
Oboea: Aitor Albors
Klarinetea: Aitor Erkizia
Klarinete Baxua: Teresa Jareño
Fagota: Iker Mariñelarena
Pianoa: Uxue Ezeiza.
Donostiako Musika Eskolako ikasleek Ubikeko Egongelako isiltasuna apurtuko dute. Etorri eta gozatu emanaldiaz!