JARRAITU STREAMING BIDEZ, HEMEN
La lectura como acontecimiento: la leyenda del último Debord, elkarrizketa Amador Fernández-Savater saiakera-idazle eta aktibista politiko eta kulturalaren eta Hugo Savino saiakera-idazle eta poetaren artean.
Nor zen 1988an Los comentarios sobre la sociedad del espectáculo idatzi zuen Guy Debord idazlea? Internacional Situacionista erakunderik gabeko Debord bat: bakarrik zegoena, baina ez isolatuta. Bistan iraultzarik ez duen Debord bat: urte horietan kapitalismoa oztoporik gabe ari zen nagusitzen. Erakunderik gabeko iraultzaile batek, bistan iraultza-prozesurik ez duen iraultzaile batek, zer egin dezake IS erakundeak zioen bezala “ideiak arriskutsu bihurtzeko”? Zein lotura asmatzen ditu kolektiboa dagoeneko ez denean kolektiboa, iraultzak ez duenean ezarritako ordena mehatxatzen? Ikusten dugu Debordek estrategiarekiko, zinemarekiko eta, batez ere, irakurketarekiko interesa bereganatzen duela azken batean, nahiz eta ikuspuntu iraultzaile klasikotik paradoxikoa izan daitekeen: bere buruaz interesatzen da.
Testu horietan bereizten ditu Guy Debordek irakurlea eta ikuslea. Irakurlearen gorputza eta ikuslearen gorputza. “Dena alboratu daitekeen”, “hausnarketarako aukera ematen ez duen” eta “existitzen denarekin batzea” eskatzen digun irudiaren aurrean, irakurketak “lerro bakoitzean epaiketa egitea eskatzen digu”; izan ere, “soilik hark eman diezaguke ikuskizunaren aurreko esperientzia zabalerako sarbidea”. Irakurketa eta idazketa, beraz, eraldaketarako gaitasuna duten ariketak dira, eta Debordek bere kondaira propioa eraikitzeko baliatzen ditu, erresistentzia politiko gisa.
Elkarrizketa Amador Fernández-Savater saiakera-idazle eta aktibista politiko eta kulturalaren eta Hugo Savino saiakera-idazle eta poetaren artean.