Okela Sormen Lantegia

OKELA Sormen Lantegia Bilboko San Frantzisko kalean kokatzen den eztabaida, ikerketa, esperimentazio eta difusio artistikorako espazioa da. Hiru artista plastiko eta bisualek kudeatzen dutena: Nora Aurrekoetxea, Izaro Ieregi eta Irati Urrestarazu Zubizarretak hain zuzen.

Sormenerako lantegi bilakatu den antzinako harategi bat da OKELA, bere aspaldiko nortasuna mantentzen duena, izenak ere hala adierazten duenez. OKELA Sormen Lantegia izaera kritiko, eraikitzaile, euskaldun eta feminista duen lan eremua da. Bertan arte bisual eta plastiko garaikidea ardatz harturik, kultur kudeaketari ekiteko topalekua da.