Bere soinu-ikerketa espontaneoa, esperimentala eta intuitiboa da, eta egunerokotasunaren eta fenomeno naturalen (hala nola haizea eta ura) soinua berreskuratzen du, prozesu teknologikoekin eta gizatiarrarekin esku hartzen duten sistema autonomo gisa pentsatuta. Bere praktika soinu‑ekintzek eta instalazioek osatzen dute. Zenbait proiektu artistikotan eta eszenikotan parte hartu du, ikus-entzunezko artista eta soinu-artista gisa. Bere azken lana Txilen egin du, Arteen, zientzien eta humanitateen CAB Egoitzan, Suaren Lurraldean (Txileko Patagonia), eta Txileko Arte Medialen 15. biurtekoan erakutsi zen. Gainera Tsonami Soinu-artearen Jaialdian egoiliarra izan da hainbat aldiz eta bere lana Txileko Santiago, Valparaiso, Ovalle, Concepcion eta Linareseko hainbat gunetan aurkeztu du, bai eta Perun, Mexikon eta Espainian ere. Birtualki, toki hauetako topaketa artistikoetan parte hartu du: Argentina, Kolonbia, Bolivia, Estatu Batuak, Ingalaterra eta Berlingo CTM Jaialdiko Hacklab birtuala.