José Javier Serrano

José Javier Serrano argazkilari eta diseinatzailea (Donostia, 1981), arte-zirkuluetan Yosigo goitizenez ezagunagoa, donostiar artista gazte bat da, eta egunero bizi eta ikusten ditugun paisaiak eta lekuak gai harturik —gu, gehienetan, ez gara gai izaten haien balio eta indar estetikoa balioesteko, edo, gai garenean, konbentzionalki egiten dugu—, begirada berri bat lortzen du. Yosigok, bere argazkiekin, guk «ikusi ohi dugunari» buelta ematen dio eta inguruneari buruz duen ikuspegi partikular eta berezi horretara eramaten gaitu.