2020ko azaroaren 28an, César Rendueles soziologoak Capitaloceno izeneko artikulu bat argitaratu zuen El País egunkarian. Bertan azaldu zuen inspirazio marxista duten zenbait saiakera agertu direla, zeinetan antropozenoaren ideia aztertzen baita (gizateria indar geologiko autosuntsitzaile gisa), baina kapitalismoaren prismatik begiratuta. Pandemiak etxean sartuta egotera behartu gintuen, bi urteko semearekin. Ikusi zituen lehen irudi animatuak Topito-renak izan ziren; alegia, hirurogeita hamarreko hamarkadako Txekiar Errepublikako telesail batekoak. Kapituluetako batean ezin hobeto azaltzen dira kapitalozenoaren erroak. Dokumental erako dokusaiakera hau familiako mikroelkarrizketa bat da, estetika fosila eta nekropolitika ulertzea xede duena. Hauen guztien mamuek ere badute presentzia lanean: Eric Sadin, Paul Vilirio, J.G. Ballard, Jaime Vindel, Déborah Danowski eta Eduardo Viveiros.
