oMOrruMU baMAt

IbonRG hainbat proiektutan aritu eta aritzen den musikaria da (Eten, Txaranga Urretabizkaia, Xabier Montoia, Mursego...) hainbat tresna joaz. Bakarkako ibilbidean, ordea, ahotsa du tresna nagusi, batzuetan a capella, bestetan pianoak lagunduta.

ibonrg.net

 

Enrike Hurtado (Sodupe, 1973). Enrike Hurtadoren musika ibilbidea software garapenari lotuta dago. Berak sortutako programak baliatuta Azunak eta Bazterrak bakarkako proiektuak ditu. ixi-software kolektiboko kidea da.

enrike.ixi-audio.net

 

Elkarlanean 'oMOrruMU baMAt' LPa argitaratu(KO?) dute 2021eko uztailean, Joxan Artzek poesiari eta txalapartari egindako ekarpenari tiraka. Ibonrg-k nagusiki ahotsa eta pianoa baliatu ditu, eta Enrike Hurtadok txalaparta modu interaktiboan jotzeko berak garatutako softwarea, besteak beste.