Organismo Bizien Agentzia proiektuaren helburua da gaur egungo egitura sozial urbanoen eta naturaren arteko harremanak aztertzea, era artistiko eta kolektiboan, epe laburreko eskultura «biziak», ekintza mikropolitikoak eta interbentzioak antolatzearen bidez. Gizakiekin alderatuta, landareek eta beste organismo bizi batzuek zentzumenarekin lotutako ezaugarri izugarri sofstikatuak dauzkate; haiekin elkar eragiten dute eta haien inguruan existitzen dira, artearekin gertatzen den modu berean.
Irakurtzeko eta zeharkatzeko malgutasuna eskaintzen dute erakusketek; praktika artistikoaren bereizitasunera zuzenean hurbiltzeko espazioak ere badira. Bisita solasaldien bitartez Tabakalerako erakusketetako piezetara, planteatutako gaietara eta komisarioen diskurtsoetara hurbiltzea proposatzen dugu.
Arte garaikidearekin harreman zuzena egiteko ibilbideak dira hauek, eta interesa duen edozein pertsonak parte har dezake bertan. Ohiko bisita gidatuaren formatua eta erakusketa ulertzeko moduak gaindi ditzagun, zentzu berriak erantsiz.
*Zeinu Hizkuntzako Interpretazio zerbitzua eskuragai aldez aurretik eskatuta: hezkuntza@tabakalera.eu
'Organismo Bizien Agentzia' erakusketaren edukietan murgiltzeko bisita solasaldiak, Tabakalerako hezkuntza taldeak gidatuta.