![](/sites/default/files/styles/breakpoint_376/public/2022-07/id6630-pasaia_bitartean.jpg?itok=HHOV_pYd)
![](/sites/default/files/styles/breakpoint_376/public/2022-07/id6630-pb_cartel_2_1.jpeg?itok=deH36O4P)
Pasaia Bitartean, Irati Gorostidi, 2015, 50', JBAES, DCP
Pasaia Bitartean Pasaiako portu inguruko hiri-egiturari buruzko hausnarketa filmikoa da. Portuaren inguruan kokatzen den hirigune hau, industriaren garapenarenarekin batera hazi eta egituratu zen, eta industria horren gainbeheraren lekuko zuzena izan da.
Pelikulak Pasaiaren oraina antzematea bilatzen badu ere, hiria memoria edukiontzitzat jotzen du aldi berean. Helburu horrekin, lanaren izaera produktiboa jardun museistikoarekin alderatzen du; gainbehera datorren paisaia industriala gurutzatzen duen turistaz beteriko kruzeroaren agerpena, edo giro industrialaren soinu-lekukotasuna jasotzen duen hardcore taldeen jardunaz baliatzen da udalerriaren paisaia atzitzeko.
Saio honetan pelikularen egileak; Irati Gorostidi Agirretxe, Jonander Agirre Mikelez eta Ana Aitana Fernández Moreno egongo dira Koldo Telleria arkitektoarekin batera pelikularen inguruan hitz egiteko.
Pasaiako portu inguruko hiri-egiturari buruz hausnartzen duen ikus-entzunezko proposamena da
![](/sites/default/files/styles/breakpoint_376/public/2022-07/id6630-pasaia_bitartean.jpg?itok=HHOV_pYd)