Pili Aguado

Pili Aguado (Tolosa, 1981) Arte Ederretan lizentziatutako ilustratzailea da, eta teknika grafikoetan dago espezializatuta. Valentziara joan zen bere lanak irudien mundurantz bideratzeko. Hainbat erakusketa egin ditu Txilen eta Mexikon, eta mota ezberdinetako hainbat argitalpenetan parte hartu du. Askotariko formatuak landu ditu: ehunak, kartelak, liburuetarako irudiak, publizitate-kanpainak eta horma-irudiak, besteak beste. Berezko estiloa dauka, erraz igartzeko modukoa, eta atmosfera propioak eta begirada sakoneko pertsonaiak garatzen ditu. Hainbat taldetako kide da, eta kultur kudeaketari eta autoedizioari buruzko proiektuetan parte hartzen du.