“Arretari dagokionez –uste dut hori dela mintegiaren ardatza–, saiatuko naiz ERAKUSTEN zergatik zinema leku pribilegiatua den arretarentzat, hala zinema egiten duenarentzat nola ikusten duenarentzat.
Leku pribilegiatua eta alde batera utzi behar ez genukeen tresna da, defendatu beharrekoa.
Izan ere, bizitzan ez dira planoak egiten, bizitzan ia ezin da ikusi.
Zinema, hain zuzen, ikusteko diziplina bat zen, baina diziplina atsegina, ia nahi gabe ikastea eragiten zuena. Zinemak begiratzen irakasten zigun, bere buruari garrantzirik eman gabe.
Horregatik, orain horren guztiaren jakitun garela, diziplinaren eta plazerraren kontziente garela, Pedro Costak hau esan dezake: "Polita litzateke beti tentsio horrekin bizitzea". POLITA. Hau da, zinema arretarentzako leku pribilegiatua da, hala filmak egiten dituenarentzat nola ikusten dituenarentzat. Arreta jartzeak tentsioa sortzen du, baita beldurtu ere, gaitasunak berak beti beldurtzen duen moduan. Eta, hala ere, POLITA litzateke beti tentsio horrekin bizitzea.
Miriam Martín, Madril autonomoan funtzionarioa 2011ko maiatzetik; itzultzailea, filmen programatzailea, zinemagile hasiberria.
Luis Macíasek akzio zinematografiko bat egingo du ekoipen gailu ezberdinak manipulatuz eta irudi analogikoa proiektatuz. Sorkuntzatik abiatuta, materiatik azaleratzen den eta ikusgarri bilakatzen den irudiaren mugimendua eta denborari buruz gogoeta eginez. Diapositibak proiektatzeko bi gailu, 16mm-ko proiektore bat, bideo-kamera bat eta inprobisatutako laborategia izango dira irudia, beronen ausentzia eta hitza agerian jarriko dituen performance honetan Luis Macíasek erabiliko dituen tresna filmikoak.
Miriam Martinen hitzaldia zuzenean jarraitzeko aukera izango da streaming bidez.
Amador Fernández-Savaterrek koordinatzen duen mintegiari buruz, edo praktika artistiko garaikideekin lotura daukaten beste zenbait jardueren inguruko informazioa jaso nahi baduzu, bete ezazu izena emateko fitxa hau mesedez.
DOKUMENTAZIOA
Arretari dagokionez –uste dut hori dela mintegiaren ardatza–, saiatuko naiz ERAKUSTEN zergatik zinema leku pribilegiatua den arretarentzat, hala zinema egiten duenarentzat nola ikusten duenarentzat.