Izena emateko epea 2023ko martxoaren 20an 12:00etan [UTC+1] irekiko da eta maiatzaren 2an 12:00etan [UTC+1] itxiko da. Deialdien emaitza, 2023ko ekainaren 2an jakinaraziko da. Hautagaiak astebeteko epea izango du egonaldiaren onarpena egiteko.
Izen-ematea burutzeko ondorengo izen-ematea bete eta jarraian zehazten den hurrenkeran, hurrengo dokumentazioa atxikitu beharko da PDF formatuan (10 MB eta 10 orrialde, gehienez):
- Harremanetan jartzeko datuak: izena, abizenak, helbidea, e-maila, harremanetarako telefono-zenbakia. Hautatutako proiektuaren ordezkari bakarra izendatuko da solaskide izateko.
- Proiektuaren deskribapena eta hautagaiek zergatik egin nahi duten proiektuaren fase hori Tabakalerako egoiliar diren bitartean (gutxienez 500 hitz, gehienez 1000).
- Proiektua azaltzeko lagungarri den material grafikoa edo bestelakoa.
- Gutxienez aurretiaz garatutako 4 lanen aurkezpena, bakoitzaren irudiekin.
- Proiektu garapenerako gorabeherako aurrekontua, bai eta premia guztien aurreikuspena ere.
- Egoiliar den aldirako aurreikusitako lan-egutegia.
- Egonaldirako denboraldi egokiena, lehen eta bigarren aukerak.
- CVa eta bibliografia edo historia laburra (gehienez 500 hitz).
Dokumentazio guztia PDF formatuko (gehienez 10MB, 10 orrialde) dokumentu baten bitartez helaraziko da; dokumentuaren izena modu honetara adierazi beharko da: Izena_abizena_modalitatea; adibidez: martin_bilbao_arte_proiektua. Hizki larri eta espaziorik gabe.
Bestetik, helarazten den dokumentazioa euskaraz, gaztelaniaz edo ingelesez egongo da idatzita. Euskaraz edo gaztelaniaz baldin bada, nahitaez laburpen bat atxikituko da ingelesez.