Zer da diseinu irekia? Diseinu irekiaren inguruan hausnartuko dugu lantegi honetan gure ingurua eraldatzeko helburuarekin diseinua bera boteretze eta kritika lanabes bezala erabiliaz. Zer ondorio izan ditzake eraldaketa edo nahasketak? Hackeatzeko eta objetuak askatzeko modu ezberdinak behatuko ditugu lantegian zehar beste berri batzuk garatzeko asmoaz.
Remix-it! publiko orokorrari zein diseinu eta arkitektura ikasleei zuzenduriko ekimena da; lantegiaren helburu nagusia partehartzaileak diseinu irekiaren munduan murgiltzea da, bide batez ikaskuntza sistema tradizional eta arautuan ematen diren eskema eta rol klasikoak irauliz eta ideia zein produktuen ekoizpena, sorkuntza eta produkzioaren ikaskuntzaren normatibitatea nolabait ere haustea.
Lantegiak bi zati nagusi izango ditu: lehenengoan teoria eta eztabaida landuko dira nagusiki, bertan diseinu irekia zer den azalduz, nola sor daiteke, diseinuak askatzeak zertan datzan edo nahasketa, kopia eta hackeoaren arteko ezberdintasunak aztertuz. Atal praktikoan aldiz partaideek beste objektuetatik abiatuta elementu berriak sortuko dituzte.
Zer da diseinu irekia? Gure inguruan diseinuak aldaketak eragin ditzakeen boteretze eta pentsamendu kritikoa garatzeko aukeraren inguruan hausnartuko dugu La Residenciak gidatutako lantegi honetan.