Familiei zuzendutako proiektua, esplorazio sentsorialerako jolas proposamen irekiak diseinatzeko. Hiru saiotan zehar, helduek txikiei zuzendutako espazio bat irudikatuko dute eta ondoren hori gauzatuko dute asteburu batean zehar.
Proiektuak esplorazio sentsorialerako jolas proposamen irekiak diseinatzea planteatzen du. Sortutako espazioek txiki eta handien parte hartzea ahalbideratuko dute, txikienek beren ikerketaren bidea erabakitzeko espazioa bideratuz.
Jolas ireki proposamenak izango dira, denen artean pentsatutako eszenarioak eta elkarrekin eraiki, eraldatu, sinbolizatu eta esperimentatzeko aukera izango dugu bertan. Jolas libreko paisai-toki hauek Tabakalerako espazio eta momentu jakin batean gauzatuko dira, asteburuan.
Nola egingo dugu?
Txiki eta handien artean sortutako hiruzpalau situ-akzio aurrera eramango ditugu, urtaro bakoitzeko bat. Hurrengo topaketa urriaren 17 eta 18an (#7 Situ-akzioa) izango da.
Hauek diseinatu eta sortzeko bi saiotan lan egingo dugu Hirikilabs-en urriaren 2an, 9an eta 16an (lantaldean parte hartzeko EMAN IZENA HEMEN). Ardatz nagusia eztabaidatu eta adostu ondoren, instalazioa nolako izango den irudikatu eta jolas-leku hauen aktibaziorako elementu eta estrukturen diseinuan lanean jarriko gara. Behin data helduta, instalazioa ireki eta jolas-libreko saioak aktibatu eta zainduko ditugu.
Zeinek har dezake parte?
Situakzio hauen sorkuntza prozesua haur, heldu eta pertsona interesatuei zuzendua dago. Sortutako esperientzia hauek elkarrekin gozatzeko helburua dute. Arreba, lagun, izeba edo aitonaz gain, bisitari eta kuriosoak ere esperientzian parte hartzeko ongi etorriak izango dira.
Izen-ematea bete behar da?
Lantaldearen saioetan parte hartzeko beharrezkoa da izen-ematea betetzea.