Soinuenea. Herri Musikaren Txokoa

Oiartzungo Ergoien auzoan kokatua dagoen Soinuenea Euskal Herriko herri musikaren interpretazio zentroa da. Musika mota honen ikerketa eta hedapena da bere helburu nagusia, eta hura betetzeko hainbat zerbitzu eta jarduera antolatzen ditu urte osoan zehar.

Herri musikaren txokoan tresnak eta haien jatorria ezagutu daitezke eta publiko ezberdinei egokitutako bisita, lantegi eta erakustaldien bidez, modu didaktiko, entretenigarri eta ulergarri batean, musika honengana gerturatu.