Urriaren 17an, Tabakalerako Sortzaileen Gunean Eugenio Dittborn eta Rogelio López Cuenca artisten arteko hizketaldi bat izango dugu. Bi artista hauek Koldo Mitxelena Kulturgunean datorren urriaren 18an inauguratuko den erakusketan parte hartuko dute: Bestea Naiz. Migrazio politiko eta poetikoak erakusketa Alicia Chillidak komisariatu du, eta urriaren 18tik 2019ko urtarrilaren 12ra arte egongo da ikusgai.
Bi erakundeen artean elkarlanean ekimenak eskaintzeko asmoz, Tabakalerak Natasha Marie Llorens-ek komisariatu duen L'intrus erakusketa aurkeztuko du aurki; datorren urriaren 26an inauguratuko da. Proiektu honek arrotzaren ideiaren inguruan diharduten nazioarteko artistez osatutako talde erakusketa proposatzen du. Bestea Naiz. Migrazio politiko eta poetikoak erakusketak, aldiz, migrazioaren gaia jorratzen du, askotariko ikuspuntuak bilduz.
Solasaldi hau bi erakundeen arteko elkarlan bat da. Tabakalerak eta Koldo Mitxelena Kulturguneak euren udazkeneko sasoia zabalduko duten bi erakusketek komunean dituzten lerroak ikusiz proposatutakoa.
Hizkeltaldian, artistez gain, Alicia Chillidak, Ane Rodríguez Armendariz, Tabakalerako kultura zuzendariak, eta Ane Agirre Loinaz, Tabakalerako erakusketen arduradunak, parte hartuko dute.
Eugenio Dittborn eta Rogelio López Cuenca artisten arteko hizketaldi. Biak Alicia Chillidak Koldo Mitxelena Kulturgunean komisariatu duen Bestea Naiz. Migrazio politiko eta poetikoak erakusketan parte hartzen dute.