Sorginen bilkura. Kuttuna, errituala eta fanzinea

Sorgina euskal mitologian zein ilustrazio, zinema eta sorkuntzaren munduan etengabe irudikatu den figura da. Aurtengo Fantasia eta Beldurrezko Zinema Astearen irudi nagusia aitzaki hartuta, sorgin eta sorginkerian oinarrituko dugu gure lantegi trinko hau.

Sorgin bilkura hau gidatzeko, bidelagun paregabea aurkitu dugu: Jone Taberna artista eta bitxigilea. Gizakiak naturarekin duen erlazio kementsuak bere lanean eragin sakona du. Haren praktika artistikoan, marrazki, bitxigintza zein beste espresiotan, hauek azpitik dakarten esanahi izkutua biluztea du Jonek gogoko, barne begirada sustatzeko. Sorginkeria, landareak zein mistizismoa bere iruditeria parte garratzitsu dira, eta halaxe izango dira lantegian ere; risografia eta beste teknika grafikoak erabiliz, liburuxka kolektibo batean bilduko ditugu belarrak, errezetak, konjuruak, erritualak eta sorginkeriak.

Zatoz bidelagun, orakulo eta kuttun bilakatuko den liburuxka hau sortzera.

*Donostiako Fantasiazko eta Beldurrezko Zinemaren 34. Asteak, Tabakalerako Medialabeko autoedizioaren txokoarekin eta FNACekin lankidetzan antolatutako 2023ko Fanzineen gerraren baitan kokatzen da jarduera hau.