Stiftung Freizeit

Inés Aubertek, Markus Blöslek eta Rubén Jódarrek sortu zuten Stiftung Freizeit, Berlinen, 2010ean. Esku hartzeko praktiken bidez, hausnarketa-prozesuak hauspotu nahi dituzte, galdera honetatik abiatuta: nola ezar daitezke berrikuntza sozialak arkitekturaren bidez? Hala, "Afritecture – Bauen mit der Gemeinschaft" (Afritektura – Taldean eraikitzen), erakusketa antolatu zuten, eta zeresana zeukan ororentzat irekitako oholtza bihurtu; Apoldako geltokiko atari hutsa, berriz, egongela bilakatu zen, apoldatarren maileguei esker.