Teloia ireki da, argia piztu da, bozgorailuetatik musika entzun da, eszenatokian bideo bat proiektaturik ikusten da, eta bat-batean… dantzaria sartu da!
Arte eszenikoetan teknologiak garrantzia berezia hartzen du. Eszenaratzearekin emozioak, intriga, suspensea… sor daitezke musika, soinua edo irudia erabilita. Hori kontrolatzen tekniko bat egon ohi da, eta lan handia dago aurretik guztia sortu eta prestatzen.
Haur eta familiei zuzendutako lantegi honetan dantza eta teknologia uztartuko ditugu. Obra bat sortuko dugu, dantza eta gure gorputza oinarri hartuta, eta aldi berean teknologiaz jantziko dugu. Argiarekin jolastea, bideo proiekzioekin eszenatokia eraikitzea, atrezzo interaktiboa sortzea... Aukera ugari eskaintzen dizkigu teknologiak arte eszenikoen munduan.
Familiei zuzendutako lantegi honetan teknologiarekin eta dantzarekin esperimentatuko dugu eta, bukatzeko, obra bat sortu eta taularatuko dugu uztailaren 1ean, 17:00etan, Kamaleoiak Gara! familientzako programaren barnean. Hori guztia Begoña Krego eta María Martín dantzarien eta Fabián Morales artistaren laguntzarekin.
'JoLabs' programako familiei zuzendutako lantegi honetan teknologiarekin eta dantzarekin esperimentatuko dugu eta, bukatzeko, obra bat sortu eta taularatuko dugu uztailaren 1ean, 'Kamaleoiak Gara!' familientzako programaren barnean.